യുഎഇയില്‍ ഏപ്രിലില്‍ ഇന്ധനവില കുറയും
Wed, 02 Apr 2025
അബുദാബി: ഈദുല്‍ ഫിതറിനോടനുബന്ധിച്ച് യുഎഇ സെന്‍ട്രല്‍ ബാങ്ക് പുതിയ 100 ദിര്‍ഹം നോട്ട് പുറത്തിറക്കി. പോളിമര്‍ കൊണ്ട് നിര്‍മിച്ച ഈ നോട്ടില്‍ നൂതന ഡിസൈനുകളും സുരക്ഷാ സവിശേഷതകളുമുണ്ടെന്ന് സെന്‍ട്രല്‍ ബാങ്ക് അറിയിച്ചു. പുതിയ നോട്ടിന്റെ മുന്‍വശത്ത് ചരിത്രപ്രാധാന്യമുള്ള ദേശീയ സാംസ്‌കാരിക സ്മാരകമായ ഉമ്മുല്‍ ഖുവൈന്‍ നാഷണല്‍ കോട്ടയും മറുവശത്ത് ഫുജൈറ തുറമുഖവും ചിത്രീകരിച്ചിരിക്കുന്നു. കൂടാതെ രാജ്യത്തിന് വലിയ മാറ്റത്തിന് വഴിയൊരുക്കുന്ന ഇത്തിഹാദ് റെയിലും പ്രദര്‍ശിപ്പിക്കുന്നു. പുതിയ നോട്ടിന്റെ രൂപകല്‍പ്പനയില്‍ ചുവപ്പിന്റെ വിവിധ ഷേഡുകള്‍ ഉണ്ട്. മാര്‍ച്ച് 24 മുതല്‍ പുതിയ നോട്ടുകള്‍ വിതരണം ചെയ്തുതുടങ്ങും. എല്ലാ ബാങ്കുകളും എക്‌സ്‌ചേഞ്ച് ഹൗസുകളും അവരുടെ കാഷ് ഡെപ്പോസിറ്റ് മെഷീനുകളും എണ്ണല്‍ ഉപകരണങ്ങളും നിലവിലുള്ള പേപ്പര്‍, പോളിമര്‍ നോട്ടുകള്‍ക്കൊപ്പം പ്രോഗ്രാം ചെയ്ത് പുതിയ നോട്ടുകള്‍ സ്വീകരിക്കുന്നുണ്ടെന്ന് ഉറപ്പാക്കാന്‍ നിര്‍ദ്ദേശം നല്‍കിയിട്ടുണ്ടെന്ന് സിബിയുഎഇ പ്രസ്താവനയില്‍ പറഞ്ഞു. പുതിയ 100 ദിര്‍ഹം ബാങ്ക് നോട്ട് നെറ്റ് സീറോയെ പിന്തുണയ്ക്കുകയും രാജ്യത്തിന്റെ സാമ്പത്തിക മത്സരശേഷി വര്‍ദ്ധിപ്പിക്കുകയും ചെയ്യുന്ന സംരംഭങ്ങളിലൂടെയും നേട്ടങ്ങളിലൂടെയും സുസ്ഥിര ഭാവിയെക്കുറിച്ചുള്ള നേതൃത്വത്തിന്റെ കാഴ്ചപ്പാടിനോടുള്ള പ്രതിബദ്ധതയെ പ്രതിഫലിപ്പിക്കുന്നതായി സിബിയുഎഇ ഗവര്‍ണര്‍ ഖാലിദ് മുഹമ്മദ് ബാലമ പറഞ്ഞു. ദിര്‍ഹം 100 ബാങ്ക് നോട്ടില്‍ വിപുലമായ സുരക്ഷാ സവിശേഷതകളും ഉള്‍പ്പെടുത്തിയിട്ടുണ്ട്. മാത്രമല്ല, പരമ്പരാഗത പേപ്പര്‍ നോട്ടുകളേക്കാള്‍ പോളിമര്‍ ബാങ്ക് നോട്ടുകള്‍ കൂടുതല്‍ ഈടുനില്‍ക്കുന്നതും സുസ്ഥിരവുമാണെന്നും രണ്ടോ അതിലധികമോ തവണ പ്രചാരത്തില്‍ നിലനില്‍ക്കുന്നുവെന്നും സിബിയുഎഇ വിശദീകരിച്ചു. അന്ധരും കാഴ്ച വൈകല്യമുള്ളവരുമായ ഉപഭോക്താക്കളെ ബാങ്ക് നോട്ടിന്റെ മൂല്യം തിരിച്ചറിയാന്‍ സഹായിക്കുന്നതിന് ബ്രെയിലില്‍ പ്രമുഖ ചിഹ്നങ്ങള്‍ ചേര്‍ത്തുകൊണ്ട് എല്ലാ ബാങ്ക് നോട്ട് ഉപയോക്താക്കളെയും പരിഗണിക്കുന്നതായി സിബിയുഎഇഅറിയിച്ചു.
