യുഎഇയില്‍ ഏപ്രിലില്‍ ഇന്ധനവില കുറയും
Wed, 02 Apr 2025
ശനിയാഴ്ച പാകിസ്താനിലെ ക്വറ്റ റെയിൽവേ സ്റ്റേഷനിലുണ്ടായ സ്ഫോടനത്തിൽ 24 പേർ കൊല്ലപ്പെടുകയും 40 പേർക്ക് പരിക്കേൽക്കുകയും ചെയ്തതായി അധികൃതർ അറിയിച്ചു. ഇത് ഒരു ചാവേർ ആക്രമണമാണെന്നാണ് പ്രാഥമിക നിഗമനമെന്ന് ക്വറ്റയിലെ സീനിയർ സൂപ്രണ്ട് ഓഫ് പോലീസ് (എസ്എസ്പി) ഓപ്പറേഷൻസ്, മുഹമ്മദ് ബലോച്ച് പറഞ്ഞു.
പരിക്കേറ്റവരിൽ പലരുടെയും നില ഗുരുതരമാണ്. സ്‌ഫോടനത്തിൻ്റെ കൃത്യമായ കാരണം കണ്ടെത്താൻ അന്വേഷണം ആരംഭിച്ചതായി ജിയോ ടിവി റിപ്പോർട്ട് ചെയ്തു.
പാകിസ്ഥാൻ അതിൻ്റെ വടക്കുപടിഞ്ഞാറൻ ഭാഗത്ത് ഭീകരാക്രമണങ്ങളുടെ കുതിച്ചുചാട്ടവും ദക്ഷിണ ഭാഗത്ത് വളരുന്ന വിഘടനവാദ കലാപവുമായി പൊരുതുകയാണ്.
പെഷവാറിലേക്കുള്ള എക്സ്പ്രസ് ലക്ഷ്യസ്ഥാനത്തേക്ക് പുറപ്പെടാനൊരുങ്ങുമ്പോഴാണ് റെയിൽവേ സ്റ്റേഷനിൽ സ്‌ഫോടനമുണ്ടായതെന്ന് മുതിർന്ന പോലീസ് ഉദ്യോഗസ്ഥൻ കൂട്ടിച്ചേർത്തു.
ക്വറ്റ സ്‌ഫോടനത്തിൻ്റെ ഉത്തരവാദിത്തം ബലൂച് ലിബറേഷൻ ആർമി ഏറ്റെടുത്തു.
ക്വറ്റ റെയിൽവേ സ്റ്റേഷനിലുണ്ടായ സ്‌ഫോടനത്തിൻ്റെ ഉത്തരവാദിത്തം ഞങ്ങൾ ഏറ്റെടുക്കുന്നതായി ഗ്രൂപ്പിൻ്റെ വക്താവ് ജീയന്ദ് ബലോച്ച് പറഞ്ഞു. ഇന്ന് രാവിലെ, ഇൻഫൻട്രി സ്‌കൂളിലെ കോഴ്‌സ് പൂർത്തിയാക്കി ജാഫർ എക്സ്പ്രസ് വഴി മടങ്ങുകയായിരുന്ന ക്വറ്റ റെയിൽവേ സ്‌റ്റേഷനിലെ പാകിസ്ഥാൻ സൈനിക യൂണിറ്റിന് നേരെയാണ് ആക്രമണമുണ്ടായത്. BLA യുടെ ഫിദായി യൂണിറ്റായ മജീദ് ബ്രിഗേഡാണ് ആക്രമണം നടത്തിയത്. കൂടുതൽ വിവരങ്ങൾ ഉടൻ മാധ്യമങ്ങളെ അറിയിക്കും.”
ജാഫർ എക്സ്പ്രസ് പാസഞ്ചർ ട്രെയിനിൽ സ്റ്റേഷനിൽ നിന്ന് പുറപ്പെടാൻ തയ്യാറെടുക്കുന്നതിനിടെയാണ് സൈനികരെ ലക്ഷ്യമിട്ട് ആക്രമണം നടത്തിയതെന്ന് ബലൂച് ലിബറേഷൻ ആർമി അറിയിച്ചു.
സംഭവം റെയിൽവേയുടെ അടിസ്ഥാന സൗകര്യങ്ങൾക്കും നാശമുണ്ടാക്കി. ഇതേത്തുടർന്ന് അധികൃതർ പ്രദേശത്ത് ട്രെയിൻ ഗതാഗതം നിർത്തിവെച്ചു.
