ഇറാഖ് ഉപപ്രധാനമന്ത്രി ഫുആദ് മുഹമ്മദ് ഹുസൈന്‍ യുഎഇ പ്രസിഡന്റുമായി കൂടിക്കാഴ്ച നടത്തി
Sun, 20 Apr 2025
ഫുജൈറ : ഫുജൈറ തീരത്ത് പരിശീലന വിമാനം തകര്‍ന്ന് പൈലറ്റ് മരിച്ചു. വിമാനത്തിലുണ്ടായിരുന്ന മറ്റൊരാളെ കാണാതായി. കടല്‍ തീരത്ത് വിമാന പരിശീലകന്റെ മൃതദേഹം കണ്ടെത്തി. പരിശീലനം നേടാനായി ഒപ്പം സഞ്ചരിച്ചിരുന്ന വിദ്യാര്‍ത്ഥിക്കും വിമാനത്തിനുമായി തിരച്ചില്‍ തുടരുകയാണ്. പറന്നുയര്‍ന്ന ഉടന്‍ വിമാനത്തിന് ആശയവിനിമയം നഷ്ടപ്പെട്ടതായി യുഎഇയിലെ ജനറല്‍ സിവില്‍ ഏവിയേഷന്‍ അതോറിറ്റി അറിയിച്ചു. ‘പുറപ്പെട്ട് 20 മിനിറ്റിനുള്ളില്‍ ആശയവിനിമയം നഷ്ടപ്പെട്ടതിനെത്തുടര്‍ന്ന് ഒരു പരിശീലന വിമാനത്തിന് സംഭവിച്ച ഒരു സംഭവത്തെക്കുറിച്ച് ഞങ്ങള്‍ക്ക് ഒരു റിപ്പോര്‍ട്ട് ലഭിച്ചു. റഡാറില്‍ നിന്ന് വിമാനം കാണാതായി,’ അതോറിറ്റി പ്രസ്താവനയില്‍ പറഞ്ഞു. ‘വിമാനത്തില്‍ പൈലറ്റും ഒരു വിദേശ പൗരത്വമുള്ള ഒരു ട്രെയിനിയും ഉണ്ടായിരുന്നു.’ ട്രെയിനിയെയും വിമാനത്തെയും കണ്ടെത്താന്‍ സെര്‍ച്ച് ആന്‍ഡ് റെസ്‌ക്യൂ ടീമുകള്‍ തീവ്രമായ തിരച്ചില്‍ തുടരുകയാണ്. പൈലറ്റിന്റെ കുടുംബത്തിന് അതോറിറ്റി അഗാധമായ അനുശോചനം അറിയിച്ചു. സംഭവത്തിന്റെ കാരണം കണ്ടെത്താന്‍ അന്വേഷണം നടത്തും.
