ദുബൈ : തൊഴിലാളികളുടെ സംഭാവനകള്‍ അംഗീകരിക്കുന്നതിനും അവരെ ആദരിക്കുന്നതിനുമായി ദുബൈ ജനറല്‍ ഡയരക്ടറേറ്റ് ഓഫ് റസിഡന്‍സി ആന്റ് ഫോറിനേഴ്‌സ് അഫയേഴ്‌സ് (ജിഡിആര്‍എഫ്എ) മെഗാ പുതുവത്സരാഘോഷങ്ങള്‍ സംഘടിപ്പിക്കും. ‘നേട്ടങ്ങള്‍ ആഘോഷിക്കുന്നു,ഭാവി കെട്ടിപ്പടുക്കുന്നു’ എന്ന പ്രമേയത്തിലാണ് പരിപാടി. പ്രമുഖ ബോളിവുഡ് നടിയും മോഡലുമായ പൂനം പാണ്ഡെ, ഗായിക കനിക കപൂര്‍,നടന്മാരായ റോമന്‍ ഖാന്‍,വിശാല്‍ കോട്ടിയന്‍,ഗായകനും സംവിധായകനുമായ രോഹിത് ശ്യാം റൗട്ട് എന്നിവര്‍ അതിഥികളായെത്തു. അല്‍ഖുസ് ഏരിയയിലാണ് പ്രധാന ആഘോഷ പരിപാടികള്‍.
ദുബൈയുടെ വളര്‍ച്ചയ്ക്കും വികസനത്തിനും വലിയ രീതിയില്‍ സംഭാവന നല്‍കുന്ന തൊഴിലാളി സമൂഹത്തിന് ആദരവ് അര്‍പ്പിക്കുന്നതിനു വേണ്ടിയാണ് പ്രത്യേക പരിപാടി സംഘടിപ്പിക്കുന്നതെന്ന് ദുബൈ ജിഡിആര്‍എഫ്എ മേധാവി ലഫ്.ജനറല്‍ മുഹമ്മദ് അഹ്്മദ് അല്‍ മര്‍റി വാര്‍ത്താ സമ്മേളനത്തില്‍ പറഞ്ഞു. വിവിധ രാജ്യങ്ങളില്‍ നിന്നുള്ള 10,000ത്തിലധികം തൊഴിലാളികള്‍ ആഘോഷ പരിപാടിയില്‍ പങ്കെടുക്കും. ഡിസംബര്‍ 31 ഉച്ചക്ക് 2 മണിക്ക് ആരംഭിക്കുന്ന പരിപാടി അര്‍ധരാത്രി വരെ തുടരും. 2025 പുതുവര്‍ഷം തുടക്കം കുറിക്കുബോള്‍ ഗംഭീര വെടിക്കെട്ടും നടക്കും. അന്താരാഷ്ട്ര കലാകാരന്മാരുടെ വിവിധ സംഗീത പ്രകടനങ്ങള്‍,അതിശയിപ്പിക്കുന്ന അക്രോബാറ്റിക് ഷോകള്‍,സവിശേഷമായ ഉത്സവ അന്തരീക്ഷം സൃഷ്ടിക്കുന്ന ഡിജെ സെറ്റുകള്‍,സാംസ്‌കാരികവും കലാപരവുമായ വൈവിധ്യങ്ങള്‍ പ്രദര്‍ശിപ്പിക്കുന്ന ആഗോള ടീമുകളുടെ പ്രകടനങ്ങള്‍ എന്നിവയും ആഘോഷ ചടങ്ങുകള്‍ക്ക് മാറ്റുകൂട്ടുവാന്‍ ഉണ്ടാകുമെന്ന് ദുബൈ ജിഡിആര്‍എഫ്എ അസി.ഡയരക്ടറും ദുബൈ തൊഴില്‍കാര്യ സ്ഥിരം സമിതി ചെയര്‍മാനുമായ മേജര്‍ ജനറല്‍ ഉബൈദ് മുഹൈര്‍ ബിന്‍ സുറൂര്‍ അറിയിച്ചു ചടങ്ങില്‍ പങ്കെടുക്കുന്നവര്‍ക്ക് നറുക്കെടുപ്പിലൂടെ വിലപിടിപ്പുള്ള സമ്മാനങ്ങള്‍ നല്‍കും. കാറുകള്‍,സ്വര്‍ണ ബാറുകള്‍,ഇലക്ട്രോണിക് ഉപകരണങ്ങള്‍,ഇലക്ട്രിക് സ്‌കൂട്ടറുകള്‍,യാത്രാ ടിക്കറ്റുകള്‍, ക്യാഷ് െ്രെപസുകള്‍,100 സ്മാര്‍ട്ട് മൊബൈല്‍ ഫോണുകള്‍ എന്നിവയാണ് സമ്മാനങ്ങള്‍.
എല്ലാവരുടെയും സുരക്ഷയും സുരക്ഷയും ഉറപ്പാക്കുന്നതിനുള്ള സമഗ്രമായ പദ്ധതിയുടെ പിന്തുണയോടെ മാനുഷിക മൂല്യങ്ങള്‍ പ്രോത്സാഹിപ്പിക്കുന്നതിനുള്ള ദുബൈയുടെ പ്രതിബദ്ധതയാണ് ഈ ആഘോഷങ്ങ ളെന്ന് ജിഡിആര്‍എഫ്എ ദുബായ് ഡെപ്യൂട്ടി ഡയറക്ടര്‍ ജനറലും ദുബായിലെ തൊഴില്‍കാര്യ സ്ഥിരം സമിതി ചെയര്‍മാനുമായ മേജര്‍ ജനറല്‍ ഉബൈദ് മുഹൈര്‍ ബിന്‍ സുറൂറും വാര്‍ത്താസമ്മേളനത്തില്‍ പറഞ്ഞു. മൂല്യങ്ങള്‍ വര്‍ധിപ്പിക്കുന്നതിനുള്ള ദുബൈയുടെ തുടര്‍ച്ചയായ ശ്രമങ്ങളെ പ്രതിഫലിപ്പിക്കുന്നുവെന്നതാണ് ഇത്തരം ആഘോഷങ്ങളെന്ന് ദുബൈ ജിഡിആര്‍എഫ്എ വര്‍ക്ക് റെഗുലേഷന്‍ സെക്ടര്‍ അസി.ഡയരക്ടര്‍ മേജര്‍ ജനറല്‍ ഡോ.അലി അബ്ദുല്ല ബിന്‍ അജിഫ് പറഞ്ഞു. സാമൂഹിക പ്രതിബദ്ധതയോടുള്ള ഈ പരിപാടിയില്‍ പങ്കെടുക്കുന്നതില്‍ ഏറെ അഭിമാനം ഉണ്ടെന്ന് മുഖ്യ പ്രായോജകരായ ‘ഡു’ ഗവണ്‍മെന്റ് റിലേഷന്‍സ് എക്‌സിക്യൂട്ടീവ് ഡയരക്ടര്‍ അഹമ്മദ് അബുറുഹൈമ അറിയിച്ചു.
