News

GulfPublished 4 months ago on 22 August 2024

യുനിസെഫ് ലിസ്റ്റില്‍ ഖോര്‍ഫക്കാനിലെ ആശുപത്രിമികച്ച ബേബി ഫ്രണ്ട്‌ലി ഹോസ്പിറ്റല്‍

ഗൾഫ് ചന്ദ്രിക

ഖോര്‍ഫക്കാന്‍-മികച്ച-ബേബി-ഫ്രണ്ട്‌ലി-ഹോസ്പിറ്റല്‍

ഷാര്‍ജ : എമിറേറ്റ്‌സ് ഹെല്‍ത്ത് സര്‍വീസസിന്റെ കീഴില്‍ പ്രവര്‍ത്തിക്കുന്ന ഖോര്‍ഫക്കന്‍ ഹോസ്പിറ്റല്‍ ലോകാരോഗ്യ സംഘടനയില്‍ നിന്നും യുണൈറ്റഡ് നേഷന്‍സ് ചില്‍ഡ്രന്‍സ് ഫണ്ടില്‍ നിന്നും തുടര്‍ച്ചയായ മൂന്നാം തവണയും ‘ബേബിഫ്രണ്ട്‌ലി ഹോസ്പിറ്റലായി അംഗീകരിക്കപ്പെട്ടു. ഈ അംഗീകാരം ആശുപത്രിയുടെ അഡ്മിനിസ്‌ട്രേറ്റീവ്, മെഡിക്കല്‍, നഴ്‌സിങ് ജീവനക്കാരുടെ മികച്ച സേവനത്തെ പ്രതിഫലിപ്പിക്കുന്നു. ലോകാരോഗ്യ സംഘടനയും യുണിസെഫും ചേര്‍ന്ന് നടത്തിയ മൂന്ന് ദിവസത്തെ സമഗ്രമായ വിലയിരുത്തലിന് ശേഷം നല്‍കിയ ഈ അക്രഡിറ്റേഷന്‍ സ്ത്രീകള്‍ക്കും കുട്ടികള്‍ക്കും മികച്ച ആരോഗ്യ സേവനങ്ങള്‍ നല്‍കാനുള്ള ഖോര്‍ഫക്കന്‍ ആശുപത്രിയുടെ സമര്‍പ്പണത്തെ അടിവരയിടുന്നു. ആശുപത്രിയുടെ മുലയൂട്ടല്‍ നയം, വിജയകരമായ മുലയൂട്ടുന്നതിനുള്ള പത്ത് ഘട്ടങ്ങള്‍ നടപ്പിലാക്കല്‍, അന്താരാഷ്ട്ര, പ്രാദേശിക മാനദണ്ഡങ്ങള്‍ പാലിക്കല്‍ എന്നിവയുടെ സാക്ഷ്യപത്രമാണ് അക്രഡിറ്റേഷന്‍. കുട്ടികള്‍ക്കും അമ്മമാര്‍ക്കുമായി അസാധാരണമായ ആരോഗ്യ സേവനങ്ങള്‍ നല്‍കുന്നതിനുള്ള ആശുപത്രിയുടെ മികവിനെയാണ് ഈ അംഗീകാരം സൂചിപ്പിക്കുന്നതെന്ന് ഖോര്‍ഫക്കാന്‍ ഹോസ്പിറ്റലിന്റെ ഡയറക്ടര്‍ ഡോ. അബ്ദല്ല അല്‍ബ്ലൂഷി പറഞ്ഞു. മുലയൂട്ടല്‍ സഹായ സേവനങ്ങളിലേക്കുള്ള പ്രവേശനം മെച്ചപ്പെടുത്തുന്നതിനും, ആരോഗ്യ പ്രവര്‍ത്തകരെ പരിശീലിപ്പിക്കുന്നതിനും, സ്ത്രീകളെ ബോധവത്കരിക്കുന്നതിനും, പ്രസവാനന്തര പരിചരണം നല്‍കുന്നതിനും, അമ്മമാരും നവജാതശിശുക്കളും തമ്മിലുള്ള സമ്പര്‍ക്കം പ്രോത്സാഹിപ്പിക്കുക എന്നീ പ്രവര്‍ത്തനങ്ങള്‍ ഈ ആശുപത്രിയുടെ പ്രത്യേകതയാണ്. ആഗോളതലത്തില്‍ ബേബിഫ്രണ്ട്‌ലി ഹോസ്പിറ്റല്‍ സംരംഭം കുട്ടിക്കും അമ്മയ്ക്കും പ്രയോജനകരമായ രീതിയില്‍ മുലയൂട്ടലിന് മുന്‍ഗണന നല്‍കി നവജാതശിശുക്കളുടെയും കൊ