News

GulfPublished 50 minutes ago on 18 January 2025

ജയ് മസാല ട്രോഫി ‘ബെസ്റ്റ് 32 ‘ഫുട്‌ബോള്‍ ടൂര്‍ണമെന്റ് ഫിക്‌സ്ചര്‍ പ്രകാശനം

ഗൾഫ് ചന്ദ്രിക

റിയാദ് : മലപ്പുറം ജില്ലാ കെഎംസിസി ‘സ്‌കോര്‍’ സംഘടിപ്പിക്കുന്ന ജയ് മസാല ‘ബെസ്റ്റ് 32’ ഫൈവ്‌സ് ഫുട്‌ബോള്‍ ടൂര്‍ണമെന്റിന്റെ ഫിക്‌സ്ചര്‍ പ്രകാശനം സെന്‍ട്രല്‍ കമ്മിറ്റി ജനറല്‍ സെക്രട്ടറി ഷുഹൈബ് പനങ്ങാങ്ങര നിര്‍വഹിച്ചു. ജില്ലയിലെ വിവിധ മണ്ഡലങ്ങളില്‍ നിന്ന് തിരഞ്ഞെടുത്ത പഞ്ചായത്ത്,മുനിസിപ്പല്‍ കമ്മിറ്റികളുടെ മികച്ച 32 ടീമുകളാണ് ഫൈവ്‌സ് ടൂര്‍ണമെന്റില്‍ മാറ്റുരക്കുന്നത്. വിജയികള്‍ക്ക് പ്രൈസ് മണിയും സമ്മാനിക്കുന്നുണ്ട്. ആദ്യ റൗണ്ട് മത്സരങ്ങള്‍ വ്യാഴാഴ്ച അല്‍ മുതുവ പാര്‍ക്ക് ഗ്രൗണ്ടില്‍ സമാപിച്ചു. 23നാണ് സെമി ഫൈനല്‍,ഫൈനല്‍ ഉള്‍പ്പടെയുള്ള മത്സരങ്ങള്‍ നടക്കുന്നത്. നൂര്‍ ഓഡിറ്റോറിയത്തില്‍ നടന്ന പരിപാടിയിയില്‍ ‘സ്‌കോര്‍’ ചെയര്‍മാന്‍ ഷകീല്‍ തിരൂര്‍ക്കാട് അധ്യക്ഷനായി. സെന്‍ട്രല്‍ കമ്മിറ്റി ഓര്‍ഗനൈസിങ് സെക്രട്ടറി സത്താര്‍ താമരത്ത്,മലപ്പുറം ജില്ലാ പ്രസിഡന്റ് ഷൗക്കത്ത് കടമ്പോട്ട്,ജനറല്‍ സെക്രട്ടറി സഫീര്‍ മുഹമ്മദ്,ട്രഷറര്‍ മുനീര്‍ വാഴക്കാട്,ജില്ലാ ഭാരവാഹികളായ മജീദ് മണ്ണാര്‍മല,സഫീര്‍ ഖാന്‍ കരുവാരകുണ്ട്,സ്‌കോര്‍ സമിതി അംഗങ്ങളായ അഷ്‌റഫ് മോയന്‍,സിദ്ദീഖ് കോനാരി,ഷുക്കൂര്‍ വടക്കേമണ്ണ,മുജീബ് വണ്ടൂര്‍,ഷംസു വടപുരം,ഹംസക്കോയ പെരുവള്ളൂര്‍,ഷറഫു തേഞ്ഞിപ്പാലം,ജാഫര്‍ കാളികാവ്,ഷറഫു പൂക്കോട്ടൂര്‍,റാഷിദ് വാഫി,അന്‍സിഫ് അസീസ് പങ്കെടുത്തു.