
എഐഎം കോണ്ഗ്രസ് 7 മുതല് 9 വരെ
അബുദാബി: മധുരമൂറും ചക്കകളുടെയും ചക്കകൊണ്ടുള്ള വിഭവങ്ങളുടെയും മികച്ച അനുഭവം സമ്മാനിച്ച് യുഎഇയിലെ ലുലു സ്റ്റോറുകളില് ചക്ക ഫെസ്റ്റ് ആരംഭിച്ചു. അബുദാബി മദീന സായിദ് ലുലു ഹൈപ്പര് മാര്ക്കറ്റില് നടന്ന ചടങ്ങില് ആര്ജെമാരായ മായ കര്ത്ത,ജോണ് എന്നിവര് ചേര്ന്ന് ഫെസ്റ്റ് ഉദ്ഘാടനം ചെയ്തു.
ഇന്ത്യ,ശ്രീലങ്ക,വിയറ്റ്നാം,മലേഷ്യ,തായ്ലന്റ്, ഉഗാണ്ട,മെക്സികോ തുടങ്ങി ലോകത്തെ വിവിധയിടങ്ങളില് നിന്നുള്ള ചക്ക ഉത്പന്നങ്ങളാണ് ഫെസ്റ്റില് ഉപഭോക്താക്കളെ കാത്തിരിക്കുന്നത്. നാടന് തേന്വരിക്ക മുതല് വിയറ്റ്നാം റെഡ് ചക്ക ഉള്പ്പെടെ 30 ലധികം ചക്ക ഉത്പന്നങ്ങള് ഫെസ്റ്റിലുണ്ട്. കൂടാതെ ചക്ക കൊണ്ടുള്ള വ്യത്യസ്ത രുചികൂട്ടുകളും വിഭവങ്ങളും ചക്ക ജിലേബിയും ചക്കപ്പായസവും ഒരുക്കിയിട്ടുണ്ട്. ചക്കകൊണ്ടുള്ള സ്പെഷ്യല് സ്വിസ് റോള്, ജാക്ക്ഫ്രൂട്ട് ഡോണട്ട്സ്,കേക്ക്,ബിസ്ക്റ്റ്സ് തുടങ്ങിയ ബേക്കറി വിഭവങ്ങളും ഫെസ്റ്റിന്റെ ഭാഗമായി മധുരപ്രേമികളെ കാത്തിരിക്കുന്നു. ഏഷ്യന് ജാക്ക്ഫ്രൂട്ട് സലാഡ്,ജാക്ക്ഫ്രൂട്ട് ബിരിയാണി,ചക്കകൊണ്ടുള്ള ഹല്വ,മില്ക്ക് ഷേക്ക്,ജാക്ക്ഫ്രൂട്ട് പെപ്പര് ഫ്രൈ തുടങ്ങി നിരവധി വിഭവങ്ങളാണ് കാത്തിരിക്കുന്നത്. ഫെസ്റ്റിന്റെ ഭാഗമായി ആകര്ഷകമായ ഓഫറുകളും ഒരുക്കിയിട്ടുണ്ട്. ഏപ്രില് 9 വരെയാണ്ഫെസ്റ്റ്.