യുഎഇയില്‍ ഏപ്രിലില്‍ ഇന്ധനവില കുറയും
Wed, 02 Apr 2025
ഷാര്‍ജ: ആരോഗ്യ മാനദണ്ഡങ്ങളും ചട്ടങ്ങളും ലംഘിച്ചതിന് ഷാര്‍ജ സിറ്റി മുനിസിപ്പാലിറ്റി രണ്ട് ജനപ്രിയ അടുക്കളകള്‍ അടച്ചുപൂട്ടി. റമസാന്‍ ആരംഭിക്കുന്നതിന് മുമ്പ് തുടങ്ങിയ പരിശോധനകളില്‍ 5,500 ഭക്ഷ്യ സ്ഥാപനങ്ങളില്‍ പരിശോധനകള്‍ നടത്തിയതായും വിശുദ്ധ മാസത്തിലുടനീളം അത് തുടരുന്നതായും മുനിസിപ്പാലിറ്റി പ്രസ്താവനയില്‍ അറിയിച്ചു. ഉയര്‍ന്ന ഭക്ഷണ നിലവാരം നിലനിര്‍ത്തുക, നിയന്ത്രണങ്ങള്‍ പാലിക്കല്‍ നടപ്പിലാക്കുക, ശരിയായ ശുചിത്വ രീതികളെക്കുറിച്ച് തൊഴിലാളികളെ ബോധവല്‍ക്കരിക്കുക എന്നിവയാണ് ഈ സംരംഭത്തിന്റെ ലക്ഷ്യം. റമസാനില്‍, മോണിറ്ററിംഗ് കാമ്പയിനുകളും ഫീല്‍ഡ് പരിശോധനകളും ശക്തമാക്കിയിട്ടുണ്ട്. 103 ഇന്‍സ്‌പെക്ടര്‍മാരുടെ സംഘം മേല്‍നോട്ടവും ബോധവത്കരണവും നടത്തുന്നു.
പകല്‍ സമയങ്ങളില്‍ ഭക്ഷണം തയ്യാറാക്കുന്നതിനും വില്‍ക്കുന്നതിനും ഇഫ്താറിന് മുമ്പ് കടകള്‍ക്ക് പുറത്ത് ഭക്ഷണം പ്രദര്‍ശിപ്പിക്കുന്നതിനും മുനിസിപ്പാലിറ്റി പ്രത്യേക പെര്‍മിറ്റുകള്‍ നല്‍കിയിട്ടുണ്ട്. രാത്രി വൈകി പ്രവര്‍ത്തിക്കുന്ന ഭക്ഷണശാലകള്‍ പെര്‍മിറ്റുകള്‍ക്ക് അപേക്ഷിക്കാന്‍ മുനിസിപ്പാലിറ്റി സൗകര്യമൊരുക്കിയിരുന്നു.
