ഈദ് അവധി ദിവസങ്ങളില്‍ ദുബൈയില്‍ 222 യാചകര്‍ പിടിയില്‍
Fri, 04 Apr 2025
അബുദാബി: വിദ്യാര്‍ത്ഥികളുടെ ലഹരി ഉപയോഗത്തിനെതിരെ മുന്നറിയിപ്പുമായി യുഎഇ ആഭ്യന്തര മന്ത്രാലയം. ലഹരി ഉപയോഗം കൂടി വരുന്ന സാഹചര്യത്തിലാണ് തീരുമാനം. മരുന്നുകളുടെ ദുരുപയോഗത്തെക്കുറിച്ച് ബോധവതക്കരണം നല്‍കും. ഇതിന്റെ ഭാഗമായി വിതരണം ചെയ്ത ഡ്രഗ് പ്രിവന്‍ഷന്‍ ഗൈഡ് സ്‌കൂളുകളില്‍ വിതരണം ചെയ്തു. വേദന സംഹാരി ഉള്‍പ്പെടെയുള്ള മരുന്നുകള്‍ ഡോക്ടറുടെ നിര്‍ദേശമില്ലാതെ അമിതമായി ഉപയോഗിക്കുന്നത് നിയമലംഘനമാണ്. ലഹരി ഉപയോഗത്തില്‍ നിന്നും ജനങ്ങള്‍ വിട്ടു നില്‍ക്കണമെന്നും ആഭ്യന്തര മന്ത്രാലയം ആവശ്യപ്പെട്ടു. ഡ്രഗ് കണ്‍ട്രോള്‍ കൗണ്‍സിലിന്റെയും നാഷണല്‍ ഡ്രഗ് പ്രിവന്‍ഷന്‍ പ്രോഗ്രാമിന്റെയും സഹകരണത്തോടെ ആഭ്യന്തര മന്ത്രാലയമാണ് ഗൈഡ് പുറത്തിറക്കിയത്. ഉത്കണ്ഠ, സമ്മര്‍ദം, അപസ്മാരം, ഉറക്കക്കുറവ് തുടങ്ങിയവ ചികിത്സക്കാനായി ഉപയോഗിക്കുന്ന മരുന്നുകള്‍ ലഹരിക്കായി ഉപയോഗിക്കുന്നത് ശ്രദ്ധയില്‍പ്പെട്ടതിനെ തുടര്‍ന്നാണ് മുന്നറിയിപ്പ്. മരുന്നുകളുടെ അമിത ഉപയോഗം ഹൃദയം,ശ്വാസകോശം തുടങ്ങി മറ്റ് അവയവങ്ങളെ അപകടപ്പെടുത്തുമെന്നും മന്ത്രാലയം ഓര്‍മ്മിപ്പിച്ചു.
