അബുദാബി പൊന്നാനി മണ്ഡലം ഗള്‍ഫ് ചന്ദ്രിക പ്രചാരണ കാമ്പയിന് പ്രൗഢ തുടക്കം
Thu, 03 Apr 2025
ദുബൈ : കായിക മത്സരങ്ങളും പ്രദര്‍ശനവും ഉള്‍പ്പെടുന്ന ബിനസ് ക്ലാസിക് ബോഡിബില്‍ഡിംഗ് ചാമ്പ്യന്‍ഷിപ്പിന്റെ രണ്ടാം പതിപ്പ് ദുബൈ വേള്‍ഡ് ട്രേഡ് സെന്ററില്‍ സെപ്തംബര്‍ 7, 8 തീയതികളില്‍ നടക്കും. മൊത്തം 700 പുരുഷ-വനിത താരങ്ങള്‍ 1.2 മില്യണ്‍ ദിര്‍ഹം ക്യാഷ് പ്രൈസിനായി മത്സരിക്കും, ഇത് ലോകത്തിലെ ഏറ്റവും ഉയര്‍ന്ന സമ്മാന മൂല്യമുള്ള ചാമ്പ്യന്‍ഷിപ്പാണ്. ഫെഡറേഷന്‍ ചെയര്‍മാന്‍ ശൈഖ് അബ്ദുല്ല ബിന്‍ ഹമദ് ബിന്‍ സെയ്ഫ് അല്‍ ഷര്‍ഖിയുടെ സാന്നിധ്യത്തില്‍ ദുബായ് സ്‌പോര്‍ട്‌സ് കൗണ്‍സിലില്‍ നടന്ന വാര്‍ത്താ സമ്മേളനത്തില്‍ എമിറേറ്റ്‌സ് ബോഡിബില്‍ഡിംഗ് ആന്‍ഡ് ഫിറ്റ്‌നസ് ഫെഡറേഷന്‍ രണ്ട് ദിവസത്തെ പരിപാടിയുടെ വിശദാംശങ്ങള്‍ പ്രഖ്യാപിച്ചു. ദുബൈ സ്‌പോര്‍ട്‌സ് കൗണ്‍സില്‍ സെക്രട്ടറി ജനറല്‍ സയീദ് ഹരേബ്, എക്‌സിക്യൂട്ടീവ് വൈസ് പ്രസിഡന്റ് മാഹിര്‍ അബ്ദുള്‍കരീം ജുല്‍ഫറും പങ്കെടുത്തു. ഫെഡറേഷന്റെ മേല്‍നോട്ടത്തിലുള്ള ഏറ്റവും പ്രധാനപ്പെട്ട ചാമ്പ്യന്‍ഷിപ്പുകളില്‍ ഒന്നാണ് ബിനസ് ക്ലാസിക് ചാമ്പ്യന്‍ഷിപ്പെന്ന് അബ്ദുല്ല അല്‍ ഷാര്‍ഖി പറഞ്ഞു. ലോകമെമ്പാടുമുള്ള കായികതാരങ്ങളെയും കായിക പ്രേമികളെയും കാണികളെയും അവരുടെ കഴിവുകള്‍, അഭിനിവേശം, സ്‌പോര്‍ട്‌സ്മാന്‍ഷിപ്പ് എന്നിവ പ്രദര്‍ശിപ്പിക്കുന്നതിന് ഒരു വേദിയിലെത്തിക്കാന്‍ ഈ ലാന്‍ഡ്മാര്‍ക്ക് ഇവന്റ് ലക്ഷ്യമിടുന്നു.
