അബുദാബി : മിഡില്‍ ഈസ്റ്റിലെ ഏറ്റവും വലിയ മാധ്യമ സമ്മേളനമായ അറബ് മീഡിയ ഉച്ചകോടി 2025 മെയ് 26 മുതല്‍ 28 വരെ ദുബൈയില്‍ നടക്കും. ദുബൈയിലെ രണ്ടാമത്തെ ഡെപ്യൂട്ടി ഭരണാധികാരിയും ദുബായ് മീഡിയ കൗണ്‍സില്‍ ചെയര്‍മാനുമായ ശൈഖ് അഹമ്മദ് ബിന്‍ മുഹമ്മദ് ബിന്‍ റാഷിദ് അല്‍ മക്തൂമിന്റെ രക്ഷാകര്‍തൃത്വത്തിലാണ് ഉച്ചകോടി നടക്കുക. ദുബൈ പ്രസ് ക്ലബ് സംഘടിപ്പിക്കുന്ന ഉച്ചകോടി, അറബ് മീഡിയ ഫോറം (എഎംഎഫ്), അറബ് യൂത്ത് മീഡിയ ഫോറം (എഐഎംഎഫ്) അറബ് സോഷ്യല്‍ മീഡിയ ഇന്‍ഫ്‌ലുവന്‍സേഴ്‌സ് സമ്മിറ്റും ഉള്‍പ്പെടെ മാധ്യമ വ്യവസായത്തിലെ വിജ്ഞാന വിനിമയത്തിലും സംഭാഷണത്തിലും ശ്രദ്ധ കേന്ദ്രീകരിക്കുന്ന പ്രധാന പരിപാടികളും നടക്കും. മാധ്യമ പരിപാടിയില്‍ പ്രമുഖ രാഷ്ട്രീയ നേതാക്കള്‍, എഴുത്തുകാര്‍, ചിന്തകരായ നേതാക്കള്‍, അഭിപ്രായ നിര്‍മ്മാതാക്കള്‍, പ്രശസ്ത മാധ്യമ പ്രവര്‍ത്തകര്‍, അറബ്, അന്തര്‍ദേശീയ മാധ്യമ സംഘടനകളുടെ മുതിര്‍ന്ന ഉദ്യോഗസ്ഥര്‍ എന്നിവരുള്‍പ്പടെ 6,000 പേര്‍ ഉച്ചകോടിയില്‍ പങ്കെടുക്കുമെന്നാണ് പ്രതീക്ഷിക്കുന്നത്. അസാധാരണമായ സാങ്കേതിക മുന്നേറ്റങ്ങളാല്‍ മേഖലയിലെ മാധ്യമരംഗം ഗണ്യമായ പരിവര്‍ത്തനത്തിന് വിധേയമായിക്കൊണ്ടിരിക്കുകയാണെന്ന് ദുബൈ പ്രസ് ക്ലബ് ഡയറക്ടര്‍ ഡോ. മൈത ബിന്‍ത് ഈസ ബുഹുമൈദ് പറഞ്ഞു. ഈ മേഖലയുടെ വെല്ലുവിളികള്‍ മനസിലാക്കുന്നതിനും വ്യവസായത്തിന്റെ നിലവിലെ അവസ്ഥയെ കൃത്യമായി പ്രതിഫലിപ്പിക്കുകയും പ്രധാന പ്രശ്‌നങ്ങള്‍ ഉയര്‍ത്തിക്കാട്ടുകയും വളര്‍ച്ചാ സാധ്യതകള്‍ തിരിച്ചറിയുകയും ചെയ്യുന്ന അറബ് മാധ്യമ ഉച്ചകോടിക്കായി ഒരു അജണ്ട വികസിപ്പിക്കുന്നതിന് ദുബൈ പ്രസ് ക്ലബ് പ്രതിജ്ഞാബദ്ധമാണെന്നും, അവര്‍ കൂട്ടിച്ചേര്‍ത്തു. കഴിഞ്ഞ രണ്ട് പതിറ്റാണ്ടുകളായി മാധ്യമങ്ങളെ രൂപപ്പെടുത്തുന്ന ഏറ്റവും പ്രധാനപ്പെട്ട പ്രശ്‌നങ്ങളും സംഭവവികാസങ്ങളും കൈകാര്യം ചെയ്യുന്നതില്‍ അറബ് മീഡിയ ഫോറം മുന്‍പന്തിയിലാണ്. ഉച്ചകോടിയില്‍ ഇപ്പോള്‍ അറബ് മീഡിയ അവാര്‍ഡ്, അറബ് സോഷ്യല്‍ മീഡിയ ഇന്‍ഫ്‌ലുവന്‍സേഴ്‌സ് അവാര്‍ഡ്, ഇബ്ദാ അറബ് യൂത്ത് മീഡിയ അവാര്‍ഡ് എന്നിവയുള്‍പ്പെടെ മൂന്ന് അവാര്‍ഡുകള്‍ ഉള്‍പ്പെടുന്നു.
