അബുദാബി പൊന്നാനി മണ്ഡലം ഗള്‍ഫ് ചന്ദ്രിക പ്രചാരണ കാമ്പയിന് പ്രൗഢ തുടക്കം
Thu, 03 Apr 2025
ദുബൈ : ആര്‍ട്ടിഫിഷ്യല്‍ ഇന്റലിജന്‍സ് മത്സരക്ഷമതയില്‍ ലോകത്തിലെ ആദ്യ അഞ്ച് സ്ഥാനങ്ങളില്‍ ഇടം നേടിയ യുഎഇ. അടുത്ത വര്‍ഷം ദുബൈയില്‍ എഐ വീക്ക് സംഘടിപ്പിക്കുന്നതോടെ ഈ മേഖലയില്‍ പ്രധാന സ്ഥാനത്തെത്തും. ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാന്‍ ബിന്‍ മുഹമ്മദ് ആര്‍ടിഫിഷ്യല്‍ ഇന്റലിജന്റ്‌സ് ഇവന്റ് പ്രഖ്യാപിച്ചു. ‘ആര്‍ട്ടിഫിഷ്യല്‍ ഇന്റലിജന്‍സിന്റെ പരിവര്‍ത്തന സാധ്യതകളെ അണ്‍ലോക്ക് ചെയ്യുന്നതിനുള്ള പ്ലാറ്റ്‌ഫോം’ എന്ന് ഈ പരിപാടിയെ വിശേഷിപ്പിച്ചു. അടുത്ത വര്‍ഷം ഏപ്രില്‍ 21 മുതല്‍ 25 വരെ നടക്കുന്ന പരിപാടിയില്‍ പതിനായിരത്തിലധികം പേര്‍ പങ്കെടുക്കുമെന്ന് പ്രതീക്ഷിക്കുന്നു. എഐ സാങ്കേതികവിദ്യയുടെ സാധ്യതകള്‍ പരമാവധി ഉപയോഗപ്പെടുത്തുന്നതിന് പൊതുസ്വകാര്യ മേഖലയിലെ പ്രഗത്ഭരെ ഈ പരിപാടിയില്‍ ഒന്നിപ്പിക്കും. നവീകരണത്തിനും ആഗോള സഹകരണം പ്രോത്സാഹിപ്പിക്കുന്നതിനുമുള്ള ഇവന്റുകള്‍ അവതരിപ്പിക്കുന്നതിനാണ് ഫോറം. വ്യവസായങ്ങളിലുടനീളം എഐ പ്രയോഗിക്കുന്നതിന് റിട്രീറ്റ് തീരുമാനമെടുക്കുന്നവരെയും സാങ്കേതിക വിദഗ്ദ്ധരെയും ഒരുമിച്ച് വേദിയിലെത്തിക്കും. ഈ മേഖലയുടെ ഭാവിയെക്കുറിച്ച് ഉയര്‍ന്ന തലത്തിലുള്ള ചര്‍ച്ചകള്‍ക്കുള്ള ഒരു പ്രധാന ഇടമായിരിക്കും ഇത്. ഒപ്പം എഐക്കുള്ള ദുബൈ അസംബ്ലി, ജനറേറ്റീവ് എഐയെക്കുറിച്ച് ചര്‍ച്ച ചെയ്യാന്‍ മന്ത്രിമാരെയും ചീഫ് എക്‌സിക്യൂട്ടീവുകളെയും സാങ്കേതിക വിദഗ്ധരെയും വേദിയിലെത്തിക്കും. ആരോഗ്യ സംരക്ഷണം, വിദ്യാഭ്യാസം, വിനോദം എന്നിവയില്‍ എഐയുടെ പുതിയ സാധ്യതകള്‍ കണ്ടെത്താനുള്ള അവസരമായിരിക്കും ഇത്. മറ്റൊരു ഇവന്റ്, ഗ്ലോബല്‍ പ്രോംപ്റ്റ് എഞ്ചിനീയറിംഗ് ചാമ്പ്യന്‍ഷിപ്പില്‍ ഈ മേഖളയിലെ എഞ്ചിനീയര്‍മാരുടെ കഴിവുകള്‍ പ്രദര്‍ശിപ്പിക്കും. മത്സരത്തില്‍ ഒരു മില്യണ്‍ ദിര്‍ഹം സമ്മാനത്തുകയായി നല്‍കും. ദുബൈ എഐ ഫെസ്റ്റിവല്‍ ആയിരിക്കും ഈ ആഴ്ചയിലെ മറ്റൊരു ആകര്‍ഷണം. ദുബൈ എഐ കാമ്പസും ഡിഐഎഫ്‌സിയും ഫെസ്റ്റിവലിന് ആതിഥേയത്വം വഹിക്കും, അത് അത്യാധുനിക സംഭവവികാസങ്ങളെക്കുറിച്ച് ചര്‍ച്ച ചെയ്യാന്‍ ലോകമെമ്പാടുമുള്ള പ്രമുഖരെ എത്തിക്കും.
