ഈദ് അവധി ദിവസങ്ങളില്‍ ദുബൈയില്‍ 222 യാചകര്‍ പിടിയില്‍
Fri, 04 Apr 2025
മട്ടന്നൂര്‍ : കുവൈത്ത് കെഎംസിസി അംഗമായിരിക്കെ മരണമടഞ്ഞ അംഗത്തിന്റെ കുടുംബത്തതിനുള്ള സാമൂഹിക സുരക്ഷാ പദ്ധതിയുടെ ഭാഗമായുള്ള തുക വിതരണം ചെയ്തു. മട്ടന്നൂര്‍ കളറോട് മുസ്‌ലിംലീഗ് ഓഫീസില്‍ വെച്ച് നടന്ന വിതരച്ചടങ്ങ് മുസ്‌ലിം ലീഗ് സംസ്ഥാന വൈസ് പ്രസിഡന്റ് അബ്ദുറഹ്മാന്‍ കല്ലായി ഉദ്ഘാടനം ചെയ്തു. കുവൈത്ത് കെഎംസിസി സംസ്ഥാന ജനറല്‍ സെക്രട്ടറി മുസ്തഫ കാരി അധ്യക്ഷനായിരുന്നു. മുസ്‌ലിം ലീഗ് കണ്ണൂര്‍ ജില്ലാ സെക്രട്ടറി അന്‍സാരി തില്ലങ്കേരി മുഖ്യ പ്രഭാഷണം നടത്തി. മരണപ്പെട്ട അംഗത്തിന്റെ കുടുംബത്തിനു വേണ്ടി മുസ്‌ലിം ലീഗ് കളറോട് ശാഖാ കമ്മിറ്റി ഭാരവാഹികള്‍ തുക ഏറ്റുവാങ്ങി. മുസ്‌ലിം ലീഗ് മണ്ഡലം പ്രസിഡന്റ് ഇ.പി. ശംസുദ്ദീന്‍ മുന്‍സിപ്പല്‍ പ്രസിഡണ്ട് റഫീഖ് ബാവോട്ടുപാറ, കൗണ്‍സിലര്‍ പി.പി.ജലീല്‍ നേതാക്കളായ പി.കെ.കുട്ട്യാലി, ലത്തീഫ് ശിവപുരം, അസൈനാര്‍ കീച്ചേരി, പി.എം.അബൂട്ടി, കെ.കെ.കുഞ്ഞമ്മദ് മാസ്റ്റര്‍, മൊയ്തു പി, ഷഫീഖ് മാസ്റ്റര്‍, ടി.കെ ജലീല്‍ കെ.എം.സി.സി. ഭാരവാഹികളായ ഇസ്മത്ത് അഴീക്കോട്, ബഷീര്‍ കൂത്തുപറമ്പ്, സഹീര്‍ യു, നവാസ് ഇരിക്കൂര്‍, അസീസ് പാളയം എന്നിവര്‍ സംസാരിച്ചു. കുവൈത്ത് കെഎംസിസി കണ്ണൂര്‍ ജില്ലാ പ്രസിഡണ്ട് നാസര്‍ തളിപ്പറമ്പ് സ്വാഗതവും മട്ടന്നൂര്‍ മണ്ഡലം ജനറല്‍ സെക്രട്ടറി നൗഷാദ് പഴശ്ശി നന്ദിയും പറഞ്ഞു.
