എഐഎം കോണ്‍ഗ്രസ് 7 മുതല്‍ 9 വരെ
Fri, 04 Apr 2025
പുതിയ സര്‍വീസ് ജൂണ്‍ 15 ആരംഭിക്കും.
അബുദാബി: തിരുവനന്തപുരത്തു നിന്ന് അബുദാബിയിലേക്ക് ഒരു പുതിയ രാജ്യാന്തര വിമാന സര്‍വീസ് കൂടി ഇത്തിഹാദ് എയര്‍വേസ് തുടങ്ങുന്നു. പുതിയ സര്‍വീസ് ജൂണ്‍ 15 ആരംഭിക്കും. തുടക്കത്തില്‍ ആഴ്ചയില്‍ അഞ്ച് ദിവസമായിരിക്കും സര്‍വീസ്. അബുദാബിയില്‍ നിന്ന് രാത്രി 8.10ന് തിരുവനന്തപുരത്ത് എത്തുന്ന വിമാനം (ഇവൈ 262/263) 9.40ന് തിരികെ അബുദാബിയിലേക്ക് പോകും. തിരുവനന്തപുരം അബുദാബി സെക്ടറില്‍ ഇതിഹാദിന്റെ രണ്ടാമത്തെ സര്‍വീസ് ആണിത്. നിലവിലുള്ള സര്‍വീസിന്റെ സമയത്തില്‍ 15 മുതല്‍ മാറ്റം വരുത്തിയിട്ടുണ്ട്. രാവിലെ 3.10 നു തിരുവനന്തപുരത്ത് എത്തുന്ന വിമാനം (ഇവൈ 264/265) 4.10നു അബുദാബിയിലേക്ക് തിരിക്കും. പുതിയ സര്‍വീസ് ആരംഭിക്കുന്നതോടെ തെക്കന്‍ കേരളത്തില്‍ നിന്നും യൂറോപ്പ് ഉള്‍പ്പെടെയുള്ള രാജ്യങ്ങളിലേക്കുള്ള ട്രാന്‍സിറ്റ് യാത്ര കൂടുതല്‍ സൗകര്യപ്രദമാകും.
