റോഡ് സുരക്ഷ : രണ്ടാംഘട്ട ബോധവത്ക്കരണവുമായി അബുദാബി പൊലീസ്
ബഹ്റൈന് : ജീവകാരുണ്യ പ്രവര്ത്തനങ്ങളില് ഏറ്റവും മുന്നില് നില്ക്കുന്ന ബഹ്റൈന് കെഎംസിസിക്ക് ബഹ്റൈന് ക്യാപിറ്റല് ഗവര്ണറേറ്റ് 2024 അവാര്ഡും വളണ്ടിയറിങ് പാസ് സര്ട്ടിഫിക്കറ്റിനും അര്ഹമായി. ഡയറക്ടര് ഓഫ് ഇന്ഫര്മേഷന് ആന്ഡ് ഫോളോഅപ്പ് യൂസഫ് ലോറിയില് നിന്നും കെഎംസിസി ആക്ടിങ് ജനറല് സെക്രട്ടറി ഗഫൂര് കൈപ്പമംഗലം, വൈസ് പ്രസിഡന്റ് എ.പി ഫൈസല് എന്നിവര് ചേര്ന്ന് ഏറ്റുവാങ്ങി.
കെഎംസിസി ബഹ്റൈന് കഴിഞ്ഞ വര്ഷങ്ങളില് നടത്തിയ നിരവധി പ്രവര്ത്തനങ്ങള് മുന് നിര്ത്തിയാണ് അവാര്ഡ് ലഭിച്ചത്. മനാമ സൂഖ് ദുരന്തത്തെ തുടര്ന്ന് ക്യാപിറ്റല് ഗവര്ണറേറ്റുമായി സഹകരിച്ചു നടത്തിയ വ്യത്യസ്തങ്ങളായ സേവന പ്രവര്ത്തനങ്ങള് ബഹ്റൈന് സര്ക്കാരില് നിന്നും നേരത്തെ പ്രത്യേകം പ്രശംസ നേടിയിരുന്നു. കൂടാതെ ബഹ്റൈന് ആരോഗ്യ വകുപ്പുമായി സഹകരിച്ച് നിരന്തരം നടത്തുന്ന രക്തദാന പ്രവര്ത്തനങ്ങള് മറ്റു വേറിട്ട നിരവധി സേവന കാരുണ്യ പ്രവര്ത്തങ്ങള് ഈ അവാര്ഡ് ലഭിക്കാന് കാരണമായി.