ഷാര്ജ ദിബ്ബ അല്ഹിസ്ന് കോട്ട ഇസ്ലാമിക പൈതൃക പട്ടികയില്
റാസല്ഖൈമ : എസ് കെ പൊറ്റെക്കാട്ട് കഥാ വിഭാഗം പുരസ്കാരം പ്രവാസിയായ അക്ബര് ആലിക്കര ചലച്ചിത്ര സംവിധായകന് അടൂര് ഗോപാലകൃഷണനില് നിന്നും ഏറ്റുവാങ്ങി. സമഗ്ര സംഭാവനയ്ക്കുള്ള പുരസ്കാരം കെ പി രാമനുണ്ണിയും അടൂരില് നിന്നും സ്വീകരിച്ചു.
തിരുവനന്തപുരം പ്രസ്സ്ക്ലബില് വെച്ച് നടന്ന പരിപാടിക്ക് ഡോ മുഞ്ഞിനാട് പദ്മകുമാര് സ്വാഗതം പറഞ്ഞു. കവി പ്രഭാവര്മ്മ അദ്ധ്യക്ഷത വഹിച്ചു.
യാത്രാവിവരണം: അഭിഷേക് പള്ളത്തേരി, കവിത: ശിവാസ് വാഴമുട്ടം, ബാലസാഹിത്യം: ഡോ. അനില്കുമാര് എസ് ഡി, നോവല്: ബി എന് റോയ്, പഠനം : വിശ്വകുമാര് കൃഷ്ണ ജീവനം, ഉജ്ജ്വല ബാലപ്രതിഭ പുരസ്കാരം: ഓസ്റ്റിന് അജിത് എന്നിവരും മറ്റു പുരസ്കാരങ്ങള് സ്വീകരിച്ചു. എസ് മഹാദേവന് തമ്പി , ഡോ. സാബു കോട്ടുക്കല്, പി കെ റാണി എന്നിവര് സംസാരിച്ചു. ശ്യാം തറയില് നന്ദി പറഞ്ഞു.