ഈദ് അവധി ദിവസങ്ങളില്‍ ദുബൈയില്‍ 222 യാചകര്‍ പിടിയില്‍
Fri, 04 Apr 2025
ശൈഖ് മുഹമ്മദ് റമസാന്‍ ആശംസകള്‍ നേര്‍ന്നു
ദുബൈ: യൂണിയന്‍ ഹൗസിലെ അല്‍ മുദൈഫ് മജ്‌ലിസില്‍ ദുബൈ ഭരണാധികാരിയും യുഎഇ വൈസ് പ്രസിഡന്റുമായ ശൈഖ് മുഹമ്മദ് ബിന്‍ റാഷിദ് അല്‍മക്തൂം പ്രാദേശിക പ്രമുഖര്‍ക്കും മുതിര്‍ന്ന ഉദ്യോഗസ്ഥര്‍ക്കും റമസാന്‍ ആശംസകള്‍ നേര്‍ന്നു. ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാന്‍ ബിന്‍ മുഹമ്മദ്, ദുബൈ ഒന്നാം ഡെപ്യൂട്ടി ഭരണാധികാരിയും ഉപപ്രധാനമന്ത്രിയും ധനകാര്യ മന്ത്രിയുമായ ശൈഖ് മക്തൂം ബിന്‍ മുഹമ്മദ് എന്നിവരും സന്നിഹിതരായിരുന്നു. ഒത്തുചേരലിനിടെ, റമസാനിന്റെ ചൈതന്യം എമിറാത്തിയുടെ പ്രധാന മൂല്യങ്ങളെ എങ്ങനെ പ്രചോദിപ്പിച്ചിട്ടുണ്ടെന്നും അതോടൊപ്പം സമാധാനം, സഹകരണം, സഹായം എന്നിവ പ്രോത്സാഹിപ്പിക്കുന്നുണ്ടെന്നും ശൈഖ് മുഹമ്മദ് വിശദീകരിച്ചു. ദുബൈ കോടതികളിലേക്ക് നിയമിതരായ 34 പുതിയ ജഡ്ജിമാരുടെ സത്യപ്രതിജ്ഞാ ചടങ്ങില്‍ ശൈഖ് മുഹമ്മദ് അധ്യക്ഷത വഹിച്ചു. അവരുടെ ഉത്തരവാദിത്തങ്ങള്‍ നിറവേറ്റുന്നതിലും ദുബൈയിലെ നീതിന്യായ വ്യവസ്ഥയുടെ നിലവാരം ഉയര്‍ത്തുന്നതില്‍ അവരുടെ പങ്ക് ഊന്നിപ്പറഞ്ഞു. നീതി നിലനിര്‍ത്തുന്നതിലും സമൂഹത്തെ സംരക്ഷിക്കുന്നതിലും നിയമവാഴ്ച നിലനിര്‍ത്തുന്നതിലും ജഡ്ജിമാര്‍ വഹിക്കുന്ന നിര്‍ണായക പങ്കിനെക്കുറിച്ചും അദ്ദേഹം എടുത്തുപറഞ്ഞു. സത്യപ്രതിജ്ഞാ ചടങ്ങില്‍ ശൈഖ് ഹംദാന്‍, ശൈഖ് മക്തൂം, ദുബൈ രണ്ടാം ഡെപ്യൂട്ടി ഭരണാധികാരി ശൈഖ് അഹമ്മദ് ബിന്‍ മുഹമ്മദ്, ശൈഖ് മുഹമ്മദ് ബിന്‍ റാഷിദ് ബിന്‍ മുഹമ്മദ് ബിന്‍ റാഷിദ് എന്നിവരും പങ്കെടുത്തു. ദുബൈ റൂളേഴ്‌സ് കോടതി ഡയറക്ടര്‍ ജനറലും ദുബൈ ജുഡീഷ്യല്‍ കൗണ്‍സില്‍ വൈസ് ചെയര്‍മാനുമായ മുഹമ്മദ് ഇബ്രാഹിം അല്‍ ഷൈബാനി, ദുബൈ അറ്റോര്‍ണി ജനറല്‍ എസ്സാം ഇസ്സ അല്‍ ഹുമൈദാന്‍, ദുബൈ കോടതി ഡയറക്ടര്‍ ജനറല്‍ സെയ്ഫ് ഗാനേം അല്‍ സുവൈദി, ദുബൈ ജുഡീഷ്യല്‍ കൗണ്‍സില്‍ സെക്രട്ടറി ജനറല്‍ ഡോ. അബ്ദുല്ല അല്‍ സബൂസി എന്നിവരും പങ്കെടുത്തു.
