എഐഎം കോണ്‍ഗ്രസ് 7 മുതല്‍ 9 വരെ
Sat, 05 Apr 2025
ദുബൈ: ഇഫ്താര്‍ സമയം അറിയിക്കുന്നതിനുള്ള പീരങ്കികള്‍ ദുബൈയില്‍ ഏഴ് സ്ഥലങ്ങളില്‍ സജ്ജീകരിക്കും. പരമ്പരാഗതമായി ദുബൈയില്‍ ഇഫ്താര്‍ സമയം അറിയിക്കാന്‍ ദുബൈ പൊലീസിന്റെ പീരങ്കികളിലൂടെ വെടി പൊട്ടിക്കാറുണ്ട്. നിശ്ചിത സ്ഥലങ്ങളിലെ പീരങ്കികള്‍ക്ക് പുറമെ 17 വ്യത്യസ്ത റെസിഡന്‍ഷ്യല്‍ ഏരിയകളില്‍ സന്ദര്‍ശിക്കുന്ന ഒരു റോമിംഗ് പീരങ്കിയും ഉണ്ടായിരിക്കും. ഇഫ്താറിന്റെ ആരംഭം സൂചിപ്പിക്കുന്നതിന് എല്ലാ വൈകുന്നേരവും സൂര്യാസ്തമയ സമയത്ത് സ്‌റ്റേഷണറി പീരങ്കികള്‍ വെടിവയ്ക്കും. അതേസമയം റോമിംഗ് പീരങ്കി രണ്ട് ദിവസത്തിലൊരിക്കല്‍ ഒരു പുതിയ സ്ഥലത്തേക്ക് മാറ്റും. ഇത് വിവിധ സമൂഹങ്ങളിലെ താമസക്കാര്‍ക്ക് പാരമ്പര്യം അനുഭവിക്കാന്‍ വേണ്ടിയാണ്. പൊതുജനങ്ങളുടെ ആവശ്യാര്‍ത്ഥം ഈ വര്‍ഷം കൂടുതല്‍ സ്ഥലങ്ങളില്‍ സ്ഥാപിക്കുന്നുണ്ടെന്ന് ദുബായ് പോലീസിലെ ഓപ്പറേഷന്‍സ് അഫയേഴ്‌സ് അസിസ്റ്റന്റ് കമാന്‍ഡന്റ് മേജര്‍ ജനറല്‍ അബ്ദുല്ല അല്‍ ഗൈതി പറഞ്ഞു. ഈ പ്രിയപ്പെട്ട റമദാന്‍ പാരമ്പര്യം ആസ്വദിക്കാന്‍ കാത്തിരിക്കുന്ന സമൂഹത്തിലെ വലിയൊരു വിഭാഗത്തിലേക്ക് എത്തിച്ചേരുന്നുവെന്ന് ഉറപ്പാക്കുന്നതായും അദ്ദേഹം പറഞ്ഞു. എക്‌സ്‌പോ സിറ്റി ദുബൈ, ഡമാക് ഹില്‍സ്, മിര്‍ദിഫ്, ബുര്‍ജ് ഖലീഫ, വാസ്ല്!, ഹത്ത ഫോര്‍ട്ട് ഹോട്ടല്‍, കൈറ്റ് ബീച്ചിലെ സാള്‍ട്ട് ക്യാമ്പ്, ഫെസ്റ്റിവല്‍ സിറ്റി എന്നിവിടങ്ങളിലാണ് പീരങ്കികള്‍ സ്ഥാപിക്കുക. സഞ്ചരിക്കുന്ന പീരങ്കി ഫ്‌ലാഖ് അല്‍ മെയ്ദാനില്‍ നിന്ന് യാത്ര ആരംഭിച്ച് അല്‍ സത്‌വ ഗ്രാന്‍ഡ് മോസ്‌ക്, അല്‍ മര്‍മൂം, സബീല്‍ പാര്‍ക്ക്, അല്‍ ഖവാനീജ് മജ്‌ലിസ്, ഫെസ്റ്റിവല്‍ സിറ്റി, വാസല്‍ 1 കമ്മ്യൂണിറ്റി, മദീനത്ത് ജുമൈറ, അല്‍ ബര്‍ഷ പാര്‍ക്ക്, അല്‍ ഹബാബ്, നാദ് അല്‍ ഷെബ 1 അല്‍ ഗാഫ് വാക്ക്, അയ്റ്റണ്‍ മിര്‍ദിഫ്, മര്‍ഗാം, ലുലുവി, നാദ് അല്‍ ഷെബ പാര്‍ക്ക്, ബുര്‍ജ് ഖലീഫ, ജുമൈറ കൈറ്റ് ബീച്ച് എന്നിവയുള്‍പ്പെടെയുള്ള സ്ഥലങ്ങളിലെത്തും. 1960 ളില്‍ നിര്‍മ്മിച്ച രണ്ട് പഴയ ഫ്രഞ്ച് പീരങ്കികള്‍ ഉപയോഗിക്കും. 25 പൗണ്ട് ഭാരമുള്ള പീരങ്കികള്‍ 170 ഡെസിബെല്‍ ശബ്ദം പുറപ്പെടുവിക്കുകയും 10 കിലോമീറ്റര്‍ ദൂരം എത്തുകയും ചെയ്യും.
