എഐഎം കോണ്‍ഗ്രസ് 7 മുതല്‍ 9 വരെ
Sat, 05 Apr 2025
റിയാദ്: റിയാദ് മലപ്പുറം ജില്ലാ കെഎംസിസി വെല്‍ഫെയര്‍ വിങ് അല്‍ ഖലീജ് ഇഷ്ബിലിയയിലെ ഇസ്മ മെഡിക്കല്‍ സെന്ററിന്റെ സഹകരണത്തോടെ സംഘടിപ്പിച്ച സൗജന്യ അഡ്വാന്‍സ്ഡ് മെഡിക്കല്‍ ക്യാമ്പ് ജനപങ്കാളിത്തം കൊണ്ട് ശ്രദ്ധേയമായി. കെഎംസിസിയുടെ മൂന്നുമാസം നീണ്ടുനില്‍ക്കുന്ന ‘പരിരക്ഷ 2025’ കാമ്പയിനിന്റെ ഭാഗമായാണ് മുന്‍കൂട്ടി രജിസ്റ്റര്‍ ചെയ്ത 600 പേര്‍ക്കായി ചികിത്സാ സൗകര്യമൊരുക്കിയതെങ്കിലും രണ്ടു ദിവസത്തെ ക്യാമ്പില്‍ ആയിരത്തോളം പേരാണ് പങ്കെടുത്തത്. ഇവര്‍ക്കെല്ലാം ഒരു വര്‍ഷം സൗജന്യ ചികിത്സക്ക് ഉപകരിക്കുന്ന ഇസ്മ കെയര്‍ പ്ലസ് കാര്‍ഡ് വിതരണം ചെയ്യും. എട്ട് ബ്ലഡ് ടെസ്റ്റും സ്മാര്‍ട്ട് ബോഡി അനലൈസര്‍ ബിഎംഐ ബോഡി ടെസ്റ്റും കണ്ണ് ഡോക്ടറുടെയും ജനറല്‍ ഫിസിഷ്യന്റെയും പരിശോധനയുമടങ്ങിയ വിപുലമായ സംവിധാനങ്ങളാണ് ക്യാമ്പില്‍ ഒരുക്കിയിരുന്നത്. മെഡിക്കല്‍ ക്യാമ്പിന് ഡോ.അശ്വനി മോഹന്‍,ഡോ.അഫ്‌സല്‍ അബ്ദുല്‍ അസീസ്,ഡോ.സുമി തങ്കച്ചന്‍,ഡോ.മെഹ്‌വിഷ് ആസിഫ്,ഡോ.നമീറ സലീം നേതൃത്വം നല്‍കി. കെഎംസിസിയുടെ മുപ്പതോളം പ്രവര്‍ത്തകരും ഇസ്മ മെഡിക്കല്‍ സെന്റര്‍ പാരാ മെഡിക്കല്‍ സ്റ്റാഫും മറ്റു ജീവനക്കാരും ക്യാമ്പ് നിയന്ത്രിച്ചു. എംബസി ഉദ്യോഗസ്ഥന്‍ പുഷ്പരാജ് ഉദ്ഘാടനം ചെയ്തു. ഇസ്മ മെഡിക്കല്‍ എംഡി വിഎം അഷ്‌റഫ്,ഓപ്പറേഷന്‍ ഡയരക്ടര്‍ മുസാദ് അല്‍ ഹാര്‍ഥി,അബീര്‍ സെയ്ഫാത്തി,ഫാഹിദ് ഹസന്‍,റഫീഖ് പന്നിയങ്കര,ശിഹാബ് കൊട്ടുകാട്,ഇബ്രാഹിം സുബ്ഹാന്‍,പ്രഡിന്‍ അലക്‌സ്,കെഎംസിസി ഭാരവാഹികളായ റിയാസ് തിരൂര്‍ക്കാട്,റഫീഖ് ചെറുമുക്ക്,യുപി നൗഷാദ്,നൗഫല്‍ തിരൂര്‍,ഷൗക്കത്ത് കടമ്പോട്ട്,ശുഹൈബ് പനങ്ങാങ്ങര,ഉസ്മാന്‍ അലി പാലത്തിങ്ങല്‍ പ്രസംഗിച്ചു.
