വാഹനമോടിക്കുമ്പോള്‍ ശ്രദ്ധ വേണം: കണക്കുകള്‍ ഞെട്ടിക്കുന്നത് പിടിവീണത് 10,174,591 വാഹനങ്ങള്‍ക്ക്‌
Fri, 04 Apr 2025
ദുബൈ : ഐഎഎസും എംബിബിഎസും പഠിക്കാന്‍ ആഗ്രഹിക്കുന്ന കുട്ടികള്‍ക്കായി അബുദബിയില്‍ അക്കാദമി ആരംഭിക്കുമെന്ന് എഡ്യു വിസ്ഡം അക്കാദമി പ്രതിനിധികള്‍ ദുബൈയില്‍ വാര്‍ത്താസമ്മേളത്തില്‍ അറിയിച്ചു. പ്രധാനമായും ഗള്‍ഫ് രാജ്യങ്ങളിലെ വിദ്യാര്‍ത്ഥികള്‍ക്കായി ഓണ്‍ലൈനിലൂടെയാണ് അക്കാദമി കരിയര്‍ ഗൈഡന്‍സ് നല്‍കുക. ഗള്‍ഫ് രാജ്യങ്ങളില്‍ പഠിച്ച വിദ്യാര്‍ത്ഥികള്‍ക്ക് മത്സരപരീക്ഷകളില്‍ ജയിക്കാനുളള പ്രാവീണ്യം നല്‍കുക എന്നുളളതാണ് അക്കാദമിയുടെ പ്രധാന ലക്ഷ്യം. നിലവില്‍ ജൂനിയര്‍ ഐഎഎസ്,ഡോക്ടര്‍ ജൂനിയര്‍ എന്നിങ്ങനെ രണ്ട് കോഴ്‌സുകളിലായി കരിയര്‍ ഗൈഡന്‍സുകളാണ് നല്‍കുക. ഭാവിയില്‍ കൂടുതല്‍ കരിയര്‍ മേഖലകളിലേക്ക് പ്രവേശിക്കുമെന്നും എഡ്യുവിസ്ഡം അക്കാദമി പ്രതിനിധികള്‍ പറഞ്ഞു. 27ന് ഞായറാഴ്ച വൈകീട്ട് അഞ്ചു മണിക്ക് അബുദബി കണ്‍ട്രി ക്ലബില്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍ എഡ്യുവിസ്ഡം അക്കാദമിയുടെ ഉദ്ഘാടനം നിര്‍വഹിക്കും. അനില്‍ സ്വരൂപ് ഐഎഎസ് മുഖ്യപ്രഭാഷണം നടത്തും. മുന്‍ കേരള ഡിജിപി ഋഷിരാജ് സിങ് ഐപിഎസ് പ്രഭാഷണം നടത്തും. ഷാഹിദ് തിരുവളളൂര്‍ ഐഐഎസ്,ഡോ.അനുരൂപ് സണ്ണി, അഡ്വ. നജ്മ തബ്ഷീറ എന്നിവരും ചടങ്ങില്‍ പങ്കെടുക്കും. വാര്‍ത്താ സമ്മേളനത്തില്‍ എഡ്യുവിസ്ഡം അക്കാദമി മാനേജിങ് ഡയരക്ടര്‍ മുഹമ്മദ് ഷബീര്‍,ഡയരക്ടര്‍ ഡോ. മുഹമ്മദ് റാഫി, മാനേജിങ് പാര്‍ട്ണര്‍മാരായ എന്‍ ജോയ്, സഹീര്‍ സികെ,ഖാലിദ് എന്നിവര്‍ പങ്കെടുത്തു.
